Ndarja nga jeta e aktorit të njohur Xhevdet Ferri ishte një humbje e madhe e skenës shqiptare. Aktori u nga nga jeta pas një sëmundje të rëndë.
Reagimet e kolegëve të tij kanë qenë të shumta. Ata e kanë shprehur me trishtim të madh largimin nga jeta të aktorit.
Aktorja Rajmonda Bulku ka thënë:
Ne jemi duke punuar, jemi në skenë duke vënë një shfaqje, dhe na lajmëruam. U shokuam, jo se nuk e prisnim me thënë të drejtën por lajm i fundit i tmerrshëm. Më vjen shumë keq, nuk e di, mendoja se mund të ndodhte ndonjë mrekulli kur ai është bërë gjysh. Mendoja se ajo qënie që do të vinte në jetë mund ta tjetërsonte. Por jetoi shumë pak si gjysh i lumtur.’’
I trishtë ka qenë edhe reagimi i aktorit Ndriçim Xhepa. Ai ka treguar se aktori ishte në gjendje shumë të rëndë dhe se fyrmë merrte me anë të aparateve mjekësore.
Po ashtu ai përmend edhe kontributin e madh që Xhevdet Ferri dha në kinematografinë shqiptare.
Fjalët e Ndriçim Xhepës:
Mund të jem personi i fundit nga njerëzit e artit që e kam parë mbrëmë. Duke përjashtuar familjarët. Unë sa e mora lajmin që ishte shtruar në spital, kam shkuar aty. Bënë një lloj tolerance ata mjekët. Ndoshta bëra mirë, që shkova për ta parë. Nuk e di….sepse ishte në gjendje shumë të rëndë. Ishte me frymëmarrje me aparat. Kam komunikuar pastak me të shoqen, nëse mund të bëhej ndonjë përpjekje. Por fundi ishte shumë i shpejtë, në 24 orë. Shumë e dhimbshme sepse ishim shumë miq bashkë, ne përkojmë edhe si kohë, si moshë kemi filluar në të njëjtën moshë bashkë. Kontributi më i madh i Xhodës ishte në një mori filmash që ka në kinematografi.’’