Më 26 e 31 dhjetor 2019, kur banorët në Durrës-Thumanë, ulërinin nga të ftohtit në çadra; Rama i ka dhënë 2 miliardë lekë për emergjenca përmbytjesh e jo tërmeti/ Sekseri që ka futur këtë oligark të heshtur, në “tepsinë” miliardave të qeverisë e Bashkisë “Veliaj” e me urdhër të tyre, në të gjithë tenderët e institucioneve shtetërore; është drejtori i Ujësjellës-Kanalizimeve të Tiranës, Redi Molla.
Pas skandalit të tenderit 30 milionë euro tek “Unaza e Re-OST” me firmën fantazmë “D.H Albania” të nipit Avdjol Dobi; oligarku Bashkim Ulaj nuk po shfaqet më, si aktor publik në lojën me tenderët dhe PPP-të qeveritare, raporton pamfleti.
Por faktet tregojnë, se ai është akoma brenda kësaj loje, në pazar aktiv me Ramën e Veliajn, duke përdorur një tjetër firmë, mik e ortak nga Thumana; pas të cilit, po maskohet siç maskohej pas firmës gjoja amerikane “D.H Albania” dhe “Biba-X” e “Vëllezërit Hysa”.
Bëhet fjalë, për firmën “4-AM”, me administrator zyrtar, Ardit Metalinë, po nga Tropoja; i cili, sipas skedës së tenderëve e PPP-ve, rezulton se është “oligarku i heshtur” i kryeministrit, kryebashkiakut Veliaj e bashkive të tjera, në fondin “1 miliard euro” të zhvillimit të rajoneve.
Sipas Thesarit të Shtetit, firma “4-AM”, rezulton se është (për)fituese e 40% të tenderëve “VIP me fonde publike; që bënë kryeministria, ministritë, kuvendi, Bashkia Tiranë e 12 bashkitë e mëdha, FSHZH, OSHEE, KESH, OST, qendrat spitalore etj.
Nëse shikon procedurat e tenderëve, konstaton se në garë marrin pjesë firmat ndërtuese “kukulla”, që në 6 vitet e “rilindjes” i ka përdorur sa për numër Bashkim Ulaj; madje shpesh edhe vetë “Gener-2” e oligarkut Ulaj, duke garuar qëllimisht me oferta “zero lekë”, me dokumente të mangëta, ose oferta 20-30% më të larta se fondi limit.
Ndërsa, nëse krahason fondet limit, me vlerat që firma “4-AM” e elekricistit Ardit Metaliaj; ose me saktë Bashkim Ulaj shpallet “fitues”, rezulton se 70% e tyre janë marrë me 1-2% ulje nga fondi limit; ndërsa 30% me krejt fondin që kanë paracaktuar Rama, Veliaj, Dako, Sejdini, Lleshaj, Gjoni, Xhafaj, Gjiknuri, Beqja, Ahmetaj, Manastirliu, Çuçi, Klosi, Xhaçka, Nikolla, Balluku etj.
Mos u çuditni, por në datat 23 e 31 dhjetor 2019, kur qindra familje në Durrës, Krujë e Thumanë, luteshin për strehë; kryeministri Rama, ka urdhëruar ministren Xhaçka, që t’i paguaj firmës “4-AM”, vlerën 2 miliardë lekë, për gjoja emergjence përmbytjesh lumore pa kryer ende punimet; kur emergjenca është tërmeti.
E sikur të mos mjaftonte kjo; po kryeministri Rama, në datën 23 dhjetor 2019, ka urdhëruar ministren Anila Denaj; të paguante për llogari të firmës “4-AM”, vlerën 330 milionë lekë, për lyerjen dhe ri-modelimin e fasadave të shkollës profesionale “Sahli Caka”-Elbasan.
Nuk është çudi, as fakti që punimet në objekte, kryhen me punonjës e mjete të firmës “Gener 2” të oligarkut Bashkim Ulaj; i cili nuk është as bashkim operatorësh në tender dhe as n/kontaktor i “4-AM”; por ndoshta, ngaqë janë krushq e brenda kangjellave të biznesit në Thumanë.
Fijet e Ramës dhe Veliajt, me “oligarkun e heshtur” të firmës “4-AM shpk”, i mban Drejtori i Ujësjellës-Kanalizime Tiranë; që sipas dosjeve, rezulton se i jep kësaj firme, nga 5-7 tendera të “majmë” në muaj.
Madje thuhet, se me drejtorin e UKT, përveçse ndajnë 88 milionë lekë në muaj mirëmbajtje tuneli “Kalimash” që i jep ARRSH; oligarku i “4-AM shpk”, Ardit Metaliaj, Bashkim Ulaj e Redi Molla i Ujësjellësit-Tiranë; janë ortakë edhe në një Pike Tregu-Karburanti në Farkë; të lejuar nga Erjon Veliaj e Blendi Klosi, me Vendim nr. 53/19, datë 26.09.2019 dhe Kod Leje Mjedisore 964. Kaq për sot.