Analisti i njohur nga Kosova, Rron Gjinovci ka reaguar në lidhje me situatën politike në Shqipëri por edhe në vendin e tij të lindjes. Ai shprehet për RTV Ora se marrëdhëniet mund të distancohen, duke u pasqyruar edhe në dy popujt.
Sipas analistit, marrëdhënia mes vendeve shkon përtej Ramës dhe Haradinajt, duke iu referuar kështu edhe padisë së ngritur nga kryeministri i Shqipërisë.
Ai tha:
Marrëdhëniet mes Shqipërisë dhe Kosovës mendoj se janë përtej kryeministrave të tyre. Mendoj se janë marrëdhënie mes dy popujve që kanë një kulturë të njëjtë ose shumë të ngjashme. Megjithatë kjo bën dëm në marrëdhëniet institucionale që i kanë dy vendet, që në të ardhmen mund të reflektojnë edhe në distancën mes dy popujve.
Në lidhje me situatën në Kosovë, Gjinovci foli për zhvillimet më të fundit.
Rron Gjinovci theksoi:
Kjo është herë e parë që negociohet mes partive pa ndërmjetësues ndërkombëtar dhe siç duket nuk janë pjekur kushtet që këto negociata të zhvillohen vetëm ndërmjet partive. Në fillim kishte diskutime për parimet qeverisëse, kur erdhi puna për ndarjen e përgjegjësive partitë nuk po merren vesh. Me refuzimin e fundit të LDK për një ofertë të VV ka shumë gjasa që ne të shkojmë në zgjidhje sërish.