Të tjera detaje dolën në dritë ditën e sotme nga ekzekutimi i biznesmenit Guxim Gjyriqit në Tropojë. Ka qenë gazetari investigativ, Artan Hoxha i cili ka publikuar një video nga eleminimi i tij, ku shfaqeshin edhe autorët duke u larguar me shpejtësi nga vendngjarja.
Mirëpo, Hoxha theksoi se Gjyriqi u qëllua me breshëri, ku u gjetën 13 predha në shpinën e tij. Ai shtoi se një nga predhat ishte ngulur në beton, ishte në vendin e ngjarjes akoma. Gazetari tha se në trupin e tij është shkarkuar i gjithë karikatori.
Gazetari tha:
Ajo që kam vënë re në skenën e krimit, aty kishte ende gjurmë gjaku, në momentin që tregohet me shigjetë. Madje një nga predhat ishte ngulur në beton, ishte në vendin e ngjarjes akoma. Afrimi i tij ka ardhur nga mbrapa makinës dhe e ka gjetur pas shpine viktimën, duke qenë se fizikisht Guximi ishte i fuqishëm është qëlluar disa herë në drejtim të tij, është hedhur i gjithë karikatori. Autori e ka bërë këtë gjë për të mos pritur edicionet e lajmeve mbijetoi apo jo, por për ta marrë pagesën.
Më tej, Hoxha tha thënë se avantazhi i autorit ose autorëve për vrasjen e Gjyriqit ka qenë fakti se ka pasur erëra shumë të forta.
Ai theksoi për Abc news:
Viktima ka 13 predha në trup, madje është qëlluar edhe gjatë kohës që ka qenë në këmbë, por edhe në kur ka rënë në tokë, i ka të gjithë plumbat pas shpine. Nuk është e vërtetë që ka folur vrasësi me viktimën, askushnuk e ka dëgjuar. Autorët, apo autori ka patur edhe një avantazh tjetër, ka pasur një erë shumë të fortë. Zakonisht kur ka erë i zbut zhurmat e armëve dhe për më tepër kur ka erë të fortë. Për më tepër kjo ka bërë të ketë dyshime nëse është përdorur silensiator, prandaj njerëzit nuk i kanë dëgjuar të shtënat, por ka qenë era e fortë që ka bërë që banorët të mos dëgjojnë të shtënat. Viktima është gjetur pas 40 minutash nga nipi i vet, spitali është shumë afër, ndoshta kjo ka qenë edhe një ndër arsyet që ai është qëlluar aq shumë. Ai ka shkuar në spital me jetën e humbur. Një nga dëshmitarët ka thënë se ka kujtuar që ishte një i dehur që ishte shytrirë, se ndodhej se ishte mes makinës dhe karriges së lokalit. Më vonë kur ka shkuar njeriu i vet ka njoftuar policinë. Ky 40 minutëshi i humbur u ka dhënë kohë autorëve të largohen nga skena e krimit. Dyshimet e deritanishme janë edhe nga mënyra se si ka ndodhur edhe nga mjetet.
