Mesa duket, gjetja e Agim Kajmakut qenka një proces shumë i vështirë për policinë e Lleshit. Ish-kryebashkiaku socialist i Vorës vijon të kërkohet pasi akuzohet për një sërë veprash penale.
Mirëpo, theksohet se operacionet për kapjen e tij u zhvilluan më së tepërmi në Fushë-Prezë, në banesën e tij dhe duke vijuar edhe me bizneset. Por sërish nuk ka asnjë gjurmë nga Agim Kajmaku. Si është e mundur? Kaq e paaftë është policia?
Sipas sistemit Tims, rezulton se 49-vjeçari nuk ka dalë nga territori i Republikës së Shqipërisë nga data 11 nëntor, ku edhe u zyrtarizua shpallja në kërkim.
Agim Kajmaku konsiderohet nga policia si një ndër njerëzit më të kërkuar për momentin, për të cilin kanë dështuar dhjetra operacione. Në anën tjetër, ish-kryebashkiaku vazhdon të komunikojë me avokatin e tij nën hundën e policisë.