Shumë personazhe të rrezikshëm të krimit janë liruar nga burgu këto kohë, ku rasti më i fundit është ai i Ergys Kolaverit. Edhe Endrit Dokle, i cili është anëtar i bandës së Durrësit, i është dhënë vendimi për të qenë i lirë.
Mirëpo, një tjetër rast është vënë në qendër të vemendjes nga gazeta Tema, ku shkruan se nuk bën çudi nëse shumë shpejt lirohet edhe Emiljano Shullazi. Në artikull shkruhet se burimet e afërta theksojnë se Shullazi ishte caktuar si përgjegjës në Bibliotekën e burgut 313.
Gazeta Tema thekson se duke qenë në “punë”, ai përfitonte 3.9 ditë ulje dënimi në muaj, ndërsa në vit, 46.8 ditë. Por sot, thonë burimet, duke parë edhe lirimet e fundit, ai është “pushuar” nga kjo detyrë, për të shmangur ndonjë skandal tjetër.