Thonë se nuk ka pyetje idiote, por vetëm përgjigje të tilla. Por sa herë mund të keni bërë një pyetje dhe të jeni ndeshur me një përgjigje të tipit “ç'është kjo pyetje idiote?” Me siguri shumë herë.
Këtë mendim ka edhe një restorant në Denver, i cili ka shtuar edhe një zë të veçantë në llogari, për ato që i konsideron si “pyetje idiote”. Kështu, nëse ju shoni në këtë retorant do të taksoheni 38 cent në faturë, nëse bëni pyetje të tilla.
Bëhet fjalë për restorantin “Tom's Diner” në lagjen East Colfax, në Kolorado, i cili është duke i taksuar gjithmonë e më shumë klientët e tij. Në fakt, restoranti e ka bërë këtë gjë që prej vitti 1999, kur është hapur për herë të parë, e deri më sot.
Megjithatë, gjithçka u bë edhe më shumë publike falë një publikimi të fundit në Reddit, nga një përdorues. Personi në fjalë shpërndau në rrjet një faturë nga restoranti “Tom's Dinner”. Përkrahë listës me çmimet e pulës dhe patateve që klientët kishin porositur, renditej edhe çmimi prej 38 centësh, për “Një pyetje idiote”.
Postimi ngjalli shumë pyetje të tipit “Si ka mundësi?” “A shtë fotoshopuar kjo faturë?” “Ku mund ta gjej këtë restorant” apo “Cila ishte pyetja idiote?”
Megjithëse nuk mund t'i japim përgjigje pyetjes së fundit, mund të themi se restoranti 24 orësh ka shtuar këtë “dënim” për klientët e tij kush e di se sa herë, gjatë gjithë periudhës që ka qenë i hapur.
***
Burimi: Unilad |Përktheu dhe përshtati: JOQ Albania