Edison Cavani do largohet nga PSG-ja dhe kjo është e sigurt. Destinacioni i radhës për bomberin e njohur mund të jetë Premier League.
Sulmuesi uruguaian ka hyrë në muajt e fundit të kontratës me Paris Saint Germain dhe drejtuesit e klubit francez as që kanë ndërmend që t'ia rinovojnë.
32 vjeçari pritet të largohet me të përfunduar ky sezon, me Atletico Madrid që prej kohësh po interesohet për shërbimet e tij.
Megjithatë, situata ka ndryshuar dhe sipas El Chiringuito, nuk është vetëm Atletico që po kërkon Cavanin. Thuhet se Arsenal ka paraqitur një ofertë në tavolinë për ish yllin e Napolit.
Arteta po kërkon në skuadër një sulmues të afirmuar dhe Cavani mund të jetë opsioni ideal, kur dihet se do të transferohej falas në fundin e sezonit.