Gjysmëfinalja e Kupës së Spanjës mes Barcelonës dhe Atletikos së Madridit e zhvilluar në Arabinë Saudite, ka qenë një spektakël i vertë. Gola pafund, kartona, tension, përmbysje, të gjitha kanë ndodhur në këtë përballje.
Në fund, fiton Atletiko me përmbysje 2-3, por mënyra si e arriti këtë fitore ishte vërtet e çmendur. Skuadra e Simeones kaloi e para në avantazh me anë të Kokës, i cili gjeti rrugën e rrjetës, vetëm 15 sekonda pas aktivizimit në fushën e lojës gjatë pjesës së dytë.
Katalanasit e Valverdes reaguan menjëherë, teksa barazuan shifrat në minutën e 51-të me anë të yllit argjentinas Lionel Messi. Nuk zgjati shumë baraspesha, pasi 11 minuta më pas, ishte radha e Antuan Grizmanit, i cili çoi shifrat në 2-1 duke përmbysur rezultatin.
Pikërisht kur u duk se Barcelona nuk do ndalej, çmenduria nuk ka fund, në këtë sfidë! Skuadra e Simeones i ka befasuar të gjithë duke ri-përmbysur rezultatin në 3-2, falë golave të Moratës nga pika e bardhë e penalltisë dhe Korreas.
Në fund, mbyllet gjithçka me fitoren e Atletikos që e sheh veten në finale ku do sfidojë Real Madridin.
