Duket se largimi nga Interi dhe transferimi në Francë te PSG-ja ka rezultuar efikas për Mauro Ikardin. Sulmuesi argjendinas ka rilindur në Ligue 1 dhe vetëm po shënon me fanellën e PSG-së.
Megjithatë, e ardhmja e tij mund të ndryshojë sërish dhe të ketë një rikthim në itali, por kësaj here jo te Interi.
“Repubblica” shkruan se ish-kapiteni i Interit do transferimin te Juventusi dhe në qershor do të bëjë çmos të bashkohet me bardhezinjtë.
Wanda Nara agjentia e tij dhe vet lojtari, janë munduar gjatë gjithë verës së shkuar të mbyllin tratativat për kalimin në Torino, por kjo gjë nuk ndodhi.
Argjentinasi vazhdon të ketë të njëtën dëshirë edhe pse tani te PSG-ja po shënon pa pushim. Priten zhvillime të reja gjatë ditëve në vijim...