Një tjetër rast vjedhje është denoncuar në redaksinë e JOQ Albania ditën e sotme.
Pronari i një salle Playstationi në zonën e "21 Dhjetorit" në Tiranë, ka dërguar një mesazh në redaksinë e JOQ Albania, ku shkruan se një adoleshent i ka vjedhur një playstation 4 me vlerë 450 euro, duke e ndërruar me të vetin.
Ai ka dërguar edhe një video, ku shihet momenti kur i riu, i veshur me një kostum sportiv dhe me kapuç në kokë, nxjerr nga çanta playstationin e tij, e vendos mbi tavolinë dhe merr playstationin e biznesit në fjalë, e fut brenda çantës së shkollës dhe më pas largohet me vrap nga salla.
Denoncuesi shprehet se adoleshenti ka lënë userin e tij në Playstation e këmbyer, me mbiemrin e tij "Glloga".
Ai ka një apel për të riun ,duke e paralajmëruar ta dorëzojë playstationin e vjedhur deri në darkë, në të kundërt do ta denoncojë rastin në polici.
Mesazhi plotë:
Pershendetje joq nje tjeter vjedhje nga minoren me ka ndodh sot,kesaj radhe ka vjedh playstation 4 me vlere 450€ e ka nderuar me ate te vetein qe ka pas ne cante,por ai i veti ka ende userin me mbiemrin e vet “Glloga”nqs mundet doja ti coja nje mesazh me afat deri ne dark te vi me ps4 dhe te atin te paraqitet para se ta denoncoj
I them ati hajdutit me mbiemer Glloga qe ka kohe deri sot ne dark te vi me te atin e vet dhe playstation 4 qe vodhi te 21 perpara se ta dencoj ne polici !!!
Flm nqs e publikoni
I njëjti Playstation ra pre e një vjedhjeje tjetër gjatë muajit nëntor, ku dy fëmijë vodhën levat e playstationit, me vlerë 160 mijë lekë të vjetra.
Denoncimi i muajit nëntor:
Pershendetje joqalbani doja te ndaja nje vjedhje me ju qe ka ndodh sot te 21 dhjetori,ne dukje 2 femije 13-16 vjeç po demi qe ben pas lojes me playstation esht 16.000 lek te rrinj(moren levat e playstation 4)qe kushtojne 8.000 lek te rrinj secila!!!!te gjitha keto nje burri pensionist 70 vjeç!!!doja tu coja llaf atyre te dyve se kishin tel dhe do e lexojn,deri ne oren 12 te dites se merkure kan kohe ti sjellin ose do ti coj videon ne polici dhe do ti denoncoj!!!Shyqyr kemi ju joq se policia e ka mendjen te bejn cubat neper lokalet e lagjeve....deri ne 12 neser çuna!!!flm joq
Pas publikimit në redaksinë e JOQ Albania, të rinjtë i kthyen mbrapsht levat dhe kërkuan ndjesë.
Kjo gjë u bë me dije nga vetë pronari i Playstationit i cili dërgoi një mesazh sërish, ku shkruante:
Joq respekte cunit i solli dhe kerkoi ndjes,mesa duket ideja juaj si faqe funksionoi e drejta vajti ne vend! Faleminderit juve dhe cunit qe kuptoi situaten dhe zgjodhi rrugen e duhur!!! As pak lek qe i ofrova nuk i pranoi. Kerkesa e tij ishte nese mund te fshihej video se e ka vrar tashme mjaftushem kjo qe ndodhi."
