Ardhja e vitit të ri 2020 në Shqipëri u prit me mënyra nga më të ndryshmet.
Ndonëse u propagandua me të madhe se do të ndalohej përdorimi i çdo mjeti piroteknik gjatë festave, mesnatën e djeshëm fishekzjarret ndezën qiellin në të gjitha qytetet e vendit.
Por nuk ishin vetëm fishekzjarrët dhe kapsollat mjetet me të cilat shqiptarët festuan ardhjen e 2020.
Si asnjëherë tjetër, mesnatën e djeshme në redaksinë e JOQ Albania mbërritën dhjetëra video ku shqiptarët festuan duke qëlluar me kallashnikovë, pistoleta apo pushkë.
Nuk munguan as ata të cilët festën e ndërrimit të viteve u bënë "tapë".
I tillë është edhe rasti i një të riu nga Tirana. Siç shihet dhe në një video të dërguar nga një qytetar në redaksinë e JOQ Albania, një djalë i ri, i veshur me një bluzë me mëngë të shkurtra po ecën e dehur në rrugë.
Qytetari që e filmoi thotë se po kthehej në shtëpi rreth orës 04:30 të mëngjesit, kur hasi në rrugë "ecjen e çuditshme" të të riut, të cilët po i merreshin këmbët.
Ai tregon se fillimisht mendoi se mos ishte ndonjë endacak, por kur e pa nga afër ishte një i ri që e "kishte djeg" gjatë festës duke pirë më shumë seç duhej.
Videoja është filmuar pranë kthesës së Kamzës.
Mesazhi i plotë:
