E tallnin në shkollë se ishte i dobët, i riu shndërrohet në bodybuilder dhe u “kyç gojën” të gjithëve

Një i ri që dikur e tallnin për trupin e tij të dobët, i ka lënë të gjithë gojëhapur me transformimin e tij fizik.

Në vetëm tre vjet, 22-vjeçari bullgar, Ilia Tsikov u transformua në bodybuilder.

Gjatë viteve të adoleshencës të hershme, ai u përball me tallje dhe ngacmime nga bashkëmoshatarët e tij, gjë e cila shkaktoi uljen e vetëbesimit të tij.

Ai u transferua në Mbretërinë e Bashkuar në moshën 12-vjeçare.

Kur ishte 16-vjeç, ai nisi të stërvitej. Ilia kursente çdo ditë paratë në mënyrë të fshehtë, ndërsa në plan kishte si të transformonte trupin e tij në të ardhmen, nga një fizik i imët në një "bishë" të vërtetë.

Ai tregoi se për shkak se ishte bërë objekt talljeje në shkollë, nisi ta urrente veten, duke u izoluar nga bota reale. Ai gjente ngushëllim duke luajtur video-lojëra në dhomën e tij për orë të tëra.

Kur prindërit e tij e morën vesh atë që po bënte, hapën një llogari kursimi pa i treguar djalit të tyre dhe më pas ato para ia dhanë Ilias.

Pas marrjes së vendimit për të ndryshuar trupin e tij, Ilia filloi palestrën intensivisht. Pas vetëm tre muajsh, ai nisi të shihte ndryshime të dukshme në trupin e tij dhe u bë më i motivuar për të ndjekur këtë "rrugëtim transformues".

Ai u shpreh:

Hapi i parë që bëra ishte fillimi i të qënit i sinqertë me veten time, se si dukem dhe ndjehem. Unë isha një adoleshent i dobët, i cili nuk kisha besim, as vetëvlerësim, as miq, nuk kisha asnjë të dashur – asgjë. Unë kam qenë stereotipi që do të kthehesha në shtëpi nga shkolla dhe do të luaja video lojëra për tu izoluar nga bota reale përreth meje, të cilën e urreja sepse e urreja veten time. Pasi fillova të jem i sinqertë me veten time, u angazhova që të mos jem më një "viktimë" në shkollë, të cilën e kanë bërë objekt tallejeje. Unë e përdora atë zemërimin si lëndë djegëse për të ndërmarrë veprime dhe dola jashtë dhe fillova të bëj ushtrime fizike pa u ndalur asnjë ditë. Tre muaj pasi nisa palestrën, fillova të ndjehem mirë me veten. Oreksi im u rrit dhe fillova të shtoja në peshë. Ndryshimet fizike që pësova në palestër më motivuan."

Ilia shpreson që të jetë një shembull për shumë të rinj të cilët e ndjekin në rrjetet sociale dhe që kanë patur një të kaluar të vështirë si ai. 22-vjeçari numëron mbi 36 mijë ndjekës në Instagram.

Siç shihet dhe në fotot e mëposhtme, transformimi fizik i Ilias është vërtetë mbresëlënës!

Burimi: Unilad|Përktheu dhe Përshtati: JOQ Albania