Një ngjarje e rëndë ka ndodhur ditën e sotme në qytetin Igalo të Malit të Zi.
Mësohet se punonjësi i Policisë Kufitare malazeze është qëlluar me armë zjarri nga tre shqiptarë të Kosovës, të cilët tentuan të kalonin në territorin malazez pa dokumenta.
Viktima ndërroi jetë në spital, pasi nuk mundi dot t'u mbijetonte plagëve të marra, ndërsa tre shqiptarët, mes tyre dhe një femër u arrestuan nga autoritetet malazeze në fshatin Sutorina.
Të shtënat janë regjistruar rreth orës 14:45, ndërsa agresorët nuk kishin ansjë mjet identifikimi me vete.
Mediat vendase raportuan se bëhej fjalë për tre kosovarë, të cilët po përpiqeshin të largoheshin nga Mali i Zi.
Një nga të arratisurit u plagos gjatë të shtënave, por ndodhet jashtë rrezikut për jetën.
Shkëmbimi me armë zjarri shkaktoi edhe një aksident automobilistik, ku një automjet policie u përplas me një kamion.