Djali i helmua me gruan pesë ditë pasi u martua, nëna: Një fqinj na ndihmoi t’i dërgonim në spital

Ngjarja që ndodhi në Librazhd tronditi mbarë opinionin publik. Olsian dhe Rezarta Hajdari, ishin martuar të dielën, por mëngjesin e djeshëm u tha se ata ishin helmuar.

19- vjeçarja humbi jetën. Këtë ngjarje të rëndë e ka mbuluar një hije e rëndë dyshimi.

Familja e Rezartës thotë se ata i kanë helmuar. Dy të rinjtë i gjeti nëna e Olsianit në dhomë. Ekspertiza mjeko-ligjore thotë se çifti është helmuar me fostoksinë, por policia nuk gjeti asnjë gjurmë të këtoj helmi në shtëpinë ku jetonin dy të rinjtë.

Sipas nënës së Olsianit, ajo kishte shkuar t’i zgjonte sepse dy të rinjtë po vonoheshin. Ajo ka thënë:

Në mëngjes po vonoheshin dhe shkova t’i zgjoj në dhomë, por ç’të shoh! Djali përpëlitej dhe kishte shkumë në buzë. Nisa të bërtas. Lajmëruam ambulancën, ndërsa një fqinj na ndihmoi t’i dërgonim në spital.”