Një ngjarje tragjike ndodhi pasditen e 6 tetorit në fshatin Alarup të Pogradecit, ku nënë e bijë humbën jetën, pasi u mbytën në një gropë të mbushur me ujë.
Vajza 10-vjeçare, Elena Mazelli, ra aksidentalisht në gropë, ndërsa nëna e saj 35-vjeçare, Liri Mazelli hyri brenda për ta shpëtuar, por fatkeqësisht asnjëra prej tyre nuk mundi dot të dalë e gjallë.
Bashkëshorti i Lirisë, Jetmiri ka marrë një lajm të madh nga imami dhe bamirësi Elvis Naçi, i cili i dorëzoi atij çelësin e banesës së re në Pogradec.
35-vjeçarja që u mbyt së bashku me të bijën la pas bashkëshortin dhe tre fëmijët e tjerë.
Elvisi: Jetmir, je bërë babë e nënë, të paktën këtë çelës do hyjmë, të futemi pak në gëzim. Pas sprovave të mëdha ka gëzim. Ti mund të shkojë të punoje në Maqedoni apo Greqi, por këtë nuk do mund ta bëjë dot!
Jetmiri: Nuk kam fjalë, kjo është shtëpi shumë luksoze, pas rrënojës sime pashë një shtëpi shumë të saktë. Nuk kam fjalë nga emocionet. Vajza: Shumë faleminderit që ma realizuat ëndrrën time! Gjithmonë kam dashur një shtëpi të tillë!
Elvisi: Do të shikojmë mundësinë për të lidhur edhe një pension. Princeshat të jenë sa më rehat dhe me kushte shumë të mira. Ne na ke gjithmonë pranë. Tani tek ju të mbretërojë paqja dhe vajzat të bëhen bamirëse.
