Nga tërmeti i 26 nëntorit u shuan 51 jetë dhe me mijëra familje kanë mbetur në mes të rrugës së madhe, pasi banesat e tyre u shkatërruan nga lëkundje e forta sizmike.
Edhe banesa e Pashkë Prekës nga Kurbini u shkatërrua. Ajo jeton me tre fëmijë jetimë në çadër. Vajza e saj e madhe është me aftësi të kufizuara.
Nëna e saj, Pashka ka vetëm një lutje. Ajo kërkon vetëm një banesë, ku të fusë kokën bashkë me tre fëmijët e saj.
Dy fëmijët e saj premtojnë se do të rrisin rezultatet në mësime dhe shpresojnë se do të fitojnë ndonjë bursë studimi.