Ish-ministri i Drejtësisë, Ylli Manjani, ka reaguar për premtimet e shpeshta dhe ndonjëherë të pazakonta të kryeministrit Rama, për pasojat e tërmetit.
Në një postim në rrjetet sociale, Manjani shkruan se premtimet janë vetëm ‘lugë boshe’ sepse nëse vjen ndonjë fond pas mbledhjes së konferencës së donatorëve në Shqipëri do të mbërrijë nga qershori.
Ai shprehet se kështu ky dimër ikën dhe njerëzit dalin më të fortë se tërmeti.
Postimi i plotë i Manjanit:
Ushqehemi me lugë bosh.
Kush ka mbetur pa shtëpi e pa ushqim nga tërmeti, të mos mërzitet fare. Opozita dhe media, gjithashtu të mos shqetësohen fare!
Ja, nga fundi i janarit do mblidhen donatorët. Pastaj Kryeministri mbushet me energji.
Në ardhtë ndonjë para (që kurrë nuk do jenë aq sa kemi nevojë), jalla nga maji-qershori mund të vijë. Sa të kalojë nëpër borde e vendime e projekte e më the e të thashë, iku dimri….
Ja ku dolëm më të fortë nga tërmeti!!!
Mbase bëhet ndonjë gjë që dimrin tjetër të zgjidhet ndonjë gjë… Ky dimër iku!
Pfffffffff. Mjer ata që kanë hall, se përceç hallit që i ka zënë mbajnë në kurriz dhe talljen e shtetit!
