Shembja e godinave pranë Universitetit Bujqësor të Tiranës ka bërë që shumë banorë të mbeten në mes të katër rrugëve.
Ata shprehen se jetonin në atë zonë prej 25 vitesh, por tani duan vetëm një strehë për të futur kokën.
Mes tyre është edhe Dila, një zonjë e cila për 'Abc News' ka bërë me dije se që kur u shemb godina ndodhet jashtë së bashku me burrin invalid dhe djalin e sëmurë.
Apeli i Dilës ndaj qeverisë:
Ndërkohë të njëjtën situatë si Dila po e përjetojnë edhe shumë banorë të tjerë, të cilët nuk kanë mundësi të strehohen në banesa me qira.
Në zonën pranë Universitetit Bujqësor të Tiranës për shkak të amortizimit dhe dëmtimeve nga tërmeti ka nisur procesi i shembjes së 10 godinave, në 8 prej të cilave jetonin familjarë dhe 2 të tjera me studentë.