Ylli Sela është 39-vjeçari i ekstraduar nga Dusseldorf-i i Gjermanisë drejt Shqipërisë ditën e sotme.
Raportohet se ai ka lindur në Zhapokike, Tepelenë dhe është banues në Vlorë.
Mirëpo, ai në bashkëpunim me dy të tjerë kanë tentuar të vjedhin plot 50 mijë euro, të cilët ishin pajisur me çorape në kokë dhe kanë përdorur dhunë.
Gjykata e Rrethit Gjyqësor Lushnje e ka dënuar Selën me 3 vjet e 4 muaj burgim, pasi në të rëndon vepra penale “Vjedhje me dhunë“ e kryer në bashkëpunim dhe e mbetur në tentativë.
Ja si ndodhi ngjarja:
Tek “Rrethrotullimi i Savrës” në Lushnje, shtetasi Ylli Sela në bashkëpunim me shtetasit E.K. dhe E.S., të pajisur me çorape në kokë dhe duke përdorur dhunë fizike kanë tentuar të vjedhin me dhunë shumën prej 50 000 Euro në automjetin tip “Volkswagen” me të cilin udhëtonin shtetasit V.K dhe J.L.