Një lajm i trishtë ka mbërritur në redaksinë e JOQ Albania, ku vogëlushi 5-vjeçar Joel Hashimi, që vuante nga një sëmundje e rëndë, për fat të keq ka ndërruar jetë.
Lajmi i hidhur është dhënë nga nëna e Joelit, e cila njotoi që djali i saj nuk mundi dot ta fitonte betejën me sëmundjen e njohur si paralizë cerebrale spatike.
Joeli u diagnostikua me këtë sëmundje që në moshën 1-vjeçare, e cila bënte që i vogli të ishte i pandërgjegjshëm, të mos reagonte ndaj ngacmimeve të jashtme dhe të bënte veprime të pavetëdijshme.
Ditën e sotme, nëna e Joelit ka shkruar pranë redaksisë së JOQ Albania, ku përveç lajmit të hidhur të ndarjes nga jeta të djalit të saj, ka bërë një gjest të rrallë.
Ndonëse dhimbja e saj është tepër e madhe, ajo ka gjetur forcën dhe ka shprehur dëshirën për të dhuruar disa aparatura mjekësore falas për t'iu ardhur në ndihmë atyre që kanë nevojë.
Nëna e Joelit ka lënë edhe një numër telefoni, ku ata që kanë nevojë për këto aparatura të kontaktojnë.
Mesazhi i saj:
Rasti i vogëlushit Joel u publikua në redaksinë e JOQ Albania 2 vite më parë dhe apeli i nënës së tij u ripublikua sërish edhe gjatë këtij viti.
Operacioni i Joelit u krye me sukses jashtë shtetit dhe vogëlushi e mori disi veten, por duhej që tubi i ushqimit t'i ndërrohej çdo tre muaj.
Ata kërkuan sërish ndihmën e shqiptarëve, pasi jetonin në kushte të vështira ekonomike dhe mundësia e vetme e tyre ishte kempi 200 mijë lekë të vjetra.