Një ngjarje e pazakontë ka nddohur në edicionin e 30-të të panairit artistik "Art Basel" të zhvilluar në Miami të SHBA-së, ku një artist i habiti të gjithë teksa mori një banane nga muri i galerisë dhe e hëngri atë.
Mbase duket si diçka normale dhe jo e jashtëzakonshme, por banania e ngjitur në mur me izolant ishte një 'vepër arti' dhe kishte vlerën e 120 mijë dollarëve.
Kjo vepër, nëse mund të cilësohet e tillë, ishte realizuar nga artisti italian Maurizia Cattelan dhe titullohej "Komediani".
Një koleksionist francez e bleu veprën "Komediani" për plot 120 mijë dollarë.
Video, e cila është bërë virale në rrjet, tregon momentin kur artisti amerikan David Datuna e heq bananen nga izolanti, më pas e zhvesh dhe e ha para të gjithëve.
Datuna ndryshe njihet edhe si "artisti i uritur". Megjithatë, situata nuk deshi më shumë se 15 minuta të zgjidhet, pasi stafi i panairit e zëvendësoi me një banane tjetër.
Galeria e raportoi incidentin për siguri, por Datuna nuk është arrestuar.
Burimi: LAD Bible|Përktheu dhe Përshtati: JOQ Albania