Dëmshpërblimi i premtuar nga qeveria për tërmetin, banori: Nuk mjafton as për të blerë hekurat!

Ish-Këneta dhe Shkozeti janë dy ndër zonat më të prekura në Durrës nga tërmeti i 26 nëntorit.

Banorët e këtyre zonave janë shprehur kundër fondit 2 milionë lekësh të rinj të premtuara nga Rama për rindërtimin e shtëpive të shkatërruara nga lëkundjet e fuqishme sizmike që goditën vendin.

Një prej banorëve, Ndue Filej, është rikthyer në rrënojat e ndërtyesës së tij në ish-Kënetë.

Në një proncim për "Abc News", ai u shpreh se dëmshpërblimi prej 2 milionë lekësh nga qeveria nuk mjafton as për të blerë hekurin për shtëpinë.

Banori shprehet:

Kjo shihet vetë, materialet brenda janë me vlerë 10 milionë lekë (të vjetra). Vetëm hekur i ka pasur brenda 20 milionë lekë kjo shtëpi. Të vijë shteti të ma bëjë me 20 milionë dhe ia jap unë borxh."

Ai tregoi më tej se i janë dashur 20 vite punë në Greqi për ta ndërtuar shtëpinë, të cilën tërmeti ia shkatërroi për 20 sekonda.

Situatë e rënduar paraqitet edhe në Shkozet, ku Agim Marku me profesion mësues, shprehet se është kthyer edhe në rojtar të banesës, pasi në zonë janë shtuar rastet e grabitjeve.

Ai thotë:

Këtu kam qendruar, por s’më është ofruar asnjeri për ndihmë. Kemi edhe frikë nga vjedhjet."