Lëkundjet e forta sizmike të 26 nëntorit i ka shkatërruar banesën dhe familjes Mani në fshatin Domje. Dy të moshuarit Domi, kërkojnë që të kenë vetëm një strëhë për të futur kokën.
Ata thonë se askush nuk u ka shkuar në banesë për të parë dëmet dhe për të vlerësuar nëse mund të jetohet aty, ose jo. I moshuari Haqif Mani thotë se shtëpia ka dalë pothuajse jashtë funksionit që prej tërmetit të 21 Shtatorit.
Më tej ai thotë për 'fax news':
Kemi frikë që të rrimë brenda, pasi shtëpia kishte dëmtime që prej tërmetit të 21 shtatorit, nuk dimë ku me u anku. Ju faleminderit juve që erdhët. Jetoj bashkë me gruan, papunë, pa pension, jetojmë vetëm me pensionin tim. Është e pamundur që ne ta ndërtojmë shtëpinë me të ardhurat që kemi.’’
Ai është 72 vjeç dhe thotë se nuk do ushqim, por vetëm një strehë të sigurtë, ku të fusë kokën bashkë me gruan e tij.
I moshuari ka shtuar:
Rrezikohemi dhe nga energjia elektrike që është nëpër këmbë, ne s’dimë ku të shkojmë. Ne nuk duam ushqim, nuk kemi pretendime, kërkojmë vetëm që të na jepet mundësia që të rregullojmë banesën. Dy dhoma kanë qenë të pabanueshme që në 21 Shtator, ai tërmet qe i llahtarshëm, gruaja mezi ka hapur derën atë ditë. Shpëtuam shyqyr Zotit pa dëm, po kemi frikë që të rrimë, s’kanë ardhur ekspertët. Apeli im është që të na ndihmojnë, të na bëjnë një banesë të paktën, nuk duam çadra, dhe as qera, që e ka dhënë ai Erion Veliaj, mosha bën të vetëm, nuk jemi më për asgjë.’’