Në çadër prej dy javësh, banorët e Laçit nuk largohen nga qyteti: Jemi në punë

Kjo çadër, e vendosur pranë Kishës së Shën Mhillit në Laç është bërë strehë për 30 persona, prej afro dy javësh.

Aty po qëndrojnë banorët që kanë humbur shtëpitë pas tërmetit të 26 nëntorit.

Ata kanë zgjedhur të mos largohen nga qyteti drejt hoteleve pasi e kanë të pamundur të shkëputen nga puna.

Një nga banoret shprehet:

Do shkoja në hotel por jam në punë. Nuk ka ardhur të na shohë asnjë njeri për ndihma.”

I ftohti ka ardhur plotësisht çka ka sjellë vështirësi për të moshuarit dhe fëmijët. Ata shprehen se nga qeveria dhe bashkia ndihen të braktisur dhe të vetmit që i kanë ardhur sadopak në ndihmë janë vetëm një grup vullnetarësh.

Një nga vulnetarët shprehet:

Janë ndihmuar me krevate, dyshekë, batanije dhe të gjitha mundësitë e tjera që i kemi siguruar nëpërmjet individëve që kanë ndihmuar.”

Tërmeti ka shkaktuar dëme edhe në Kishën e Shën Mhillit.