Të tjera detaje janë bërë me dije në lidhje më të arrestuarit për organizimin e atentatit me kallashnikov ndaj Inez Hajrullës.
Shqiptarja.com shkruan se Xheladin Merko ka dalë para gjykatës së Vlorës sot dhe është njohur me masën e sigurisë “arrest në burg”.
Ndërkohë, dy persona të tjerë që akuzohen drejtpërdrejtë për atentatin ndaj Hajrullës janë kapur në Itali, të cilët janë Igli Memaj dhe Gentian Dauti.
Prokuroria e Vlorës i është drejtuar me një kërkesë autoriteteve Italiane, ku kërkon ekstradimin e tyre në Shqipëri me qëllim përballjen në sallën e gjyqit, me akuzën e “Vrasjes në rrethana cilësuese” e mbetur në tentativë dhe “Mbajtjes pa lejë të armëve të zjarrit”.
Inez Hajrulla i ka shpëtuar sërish atentatit të 10 majit që ndodhej në një lokal së bashku me shokët e tij, por më parë ai ka rënë pre e një tjetër atentati.
Hajrulla jeton invalid, vetëm me një këmbë, ku e humbi në atentatin e parë, që i hodhën tritol në makinë.