Nxënësit e Borizanës në Krujë mesa duket do të hasin sërish probleme në lidhje me vazhdimin e mësimit javën që vjen.
Raportohet se ata do të zhvendoset drejt një shkolle tjetër, mirëpo ende nuk dihet se ku, pasi ajo në të cilën zhvillonin mësimin është vlerësuar me rrezikshmëri të lartë.
'Fax News' bën me dije se shkolla në të cilën zhvillonin mësimin nxënësit e këtij fshati, nuk kishte shumë kohë që i ishte kryer rikonstruksioni.
Mirëpo, kryqi i kuq i është vënë që në hyrje të saj, ku bëhet me dije se mësimi nuk mund të zhvillohet në ato ambiente.
Banorë nga fshati thonë për Fax News se ende nuk e dinë për fëmijët e tyre se në cilën shkollë do zhvendosen, referuar dhe kushteve të stinës dimërore me të cilën vështirësohet më shumë mundësia për ndjekjen e procesit mësimor.
Pak ditë më parë shkolla 9-vjeçare në Thumanë është rrafshuar nga shembja që i shkaktoi tërmeti, ndërsa dhe kjo e Borizanës ka të njëjtin fat, ndonëse përflitet për investime me vlera të mëdha rikonstruksioni.