Sa afrohen zgjedhjet aktualizohet edhe tema e një bashkimi eventual të partive në një bllok të vetëm, shkruan JOQ.
"Ne jemi të interesuar të bëjmë komnbinim fitues dhe nuk jam për kombinim që aty të fusim parti të dyshimta që mund të prishin atë koalicion", kështu është shprehur mbrëmë kreu i partisë "Alternativa", Afrim Gashi.
Ai mbrëmë në emisionin "360 shkallë" tha se subjekti politik që përfaqëson ai është i interesuar që të realizohet një front fitues i zgjedhjeve të 12 prillit. Gashi tha se deri më tani janë takuar disa herë me liderin e Aleancës për Shqiptarët, Zijadin Sela.
“Nuk i kam numëruar takimet, por dy më së paku në ambient shumë të relaksuar. Kemi biseduar gjerë e gjatë për gjërat në të kaluarën të tashmen dhe në të ardhmen si do të funksiononim. Mendoj se ka ambient të mirë dhe nuk është se vetëm raportet e mia me zotëri Selën janë pozitive, ka raporte të mira mes organeve tona partiake dhe struktura. Është një koalicion i dëshirueshëm”-theksoi Gashi.
