Përveç 51 viktimave dhe qindra personave të plagosur, tërmeti i fuqishëm i 26 nëntorit la pas qindra ndërtesa të dëmtuara e shkatërruara plotësisht.
Qyteti i Durrësit, i cili ishte vetëm pak kilometra larg epiqendrës së tërmetit, ka pësuar dëme kolosale materiale.
Shumë ndërtesa janë shpallur të pabanueshme për shkak të dëmtimeve strukturore që kanë marrë nga lëkundjet e fuqishme dhe mijëra banorë kanë mbetur në qiell të hapur.
Tërmeti ka dëmtuar edhe vilën e familjes Xhurxhi në zonën e Spitallës në Durrës.
Kryefamiljari Ahmet Xhurxhi ka dërguar një mesazh në redaksinë e JOQ Albania, ku ankohet se ndonëse ka bërë shumë kërkesa, ende nuk ka ardhur asnjë ekspert për të parë ndërtesën.
Siç shihet dhe nga fotot e dërguara nga qytetari, vila ka pësuar dëmtime të rënda në kolonat e saj dhe për pasojë është mënjanuar.
Ai kërkon nga shteti që të prishet objekti, në mënyrë që të mos dëmtohen ndërtesat e tjera përreth.
Më tej, kryefamiljari thekson se nuk kanë marrë as çadra, ndërsa për strehim kanë shkuar tek disa të afërmit e tyre. Ai hedh dyshime të forta se po objektet po vlerësohen në bazë të pikëpamjeve politike, pasi sipas tij askush nuk ka ardhur tek ta për të parë gjendjen, ndërsa banesat përreth janë inspetktuar.
Mesazhi i plotë: