Mbërrin në njësinë e dekriminalizimit letërporosia nga Italia për kandidatin e PS-së në Shkodër, Valdrin Pjetritn. Mësohet se letërporosia ka mbërritur në Shqipëri që prej 28 nëntorit dhe në të konfrimohen denoncimet e bëra publike nga ana e Partisë Demokratike.
Sipas gazetarit Arsen Rusta për Report tv, i cili konfirmoi edhe lajmin, drejtësia italiane e kishte fajësuar Pjetrin për akuzat “trafik lëndësh narkotike” dhe ka qenë i dënuar me 18 muaj burg. Me marrëveshje kishin vendosur largimin e tij nga territori italian.
Tanimë pritet që njësia e dekriminalizimit të marrë përgjigjen nga ministria e Drejtësisë dhe më pas do të kryhen veprimet procedurale. Sipas ligjit penal neni 190, Valdrin Pejtri do procedohet penalisht e do të merret i pandehur.
Pasi Prokuroria të marrë letërprorosinë, do ta përshtatë atë më dosjen, do t’i komunikohet përmbajtja e saj edhe palës së Pjetrit. Më pas do t’i komunikohet akuza çështja do të dërgohet të gjykohet nga Gjykata e Shkodrës, e cila do të vendosë për këtë çështje penale.