Teksa janë bërë mbi 9 vite nga zhdukja e Bleona Matës, asokohe vetëm 6-vjeçe, ende nuk ka asnjë gjurmë për vendndodhjen e saj.
Në një intervistë për News24, nëna e Bleonës, Bukurie Mata, është shprehur se e ka humbur besimin tek strukturat e shtetit shqiptar për gjetjen e vajzës së saj.
Ajo thekson se shteti nuk i ka dhënë asnjë shpresë dhe dritë jeshile për gjetjen e Bleonës, ndërsa shprehet se do ta kërkoj të bijën në rrugë pritave, në të gjitha institucionet e tjera.
Ajo deklaroi:
Ka 10 vite që është zhdukur vajza ime dhe nga shteti nuk kemi asnjë informacion, asnjë dritë jeshile për gjetjen e Bleonës, për bijën time të vetme. Unë i kisha kërkuar drejtësisë, që 10 vite radhazi 5 kriminelët rrinë të lirë, 5 dëshmitarët rrinë të lirë, 5 vajzat që e zhdukën Bleonën janë të lira. Unë e kam humbur besimin te shteti, unë pres çdo ditë më të mirën për Bleonën. Unë do ta kërkoj në rrugë private, në të gjitha institucionet e tjera, por i lutem edhe njëherë shtetit të marrë masa për gjetjen e Bleonës, të marrë edhe njëherë në pyetje 5 kriminelët që rrinë të lirë. Unë dua të vërtetën për gjetjen e Bleonës. Dua një siguri, një pikë jeshile, një drejtim në gjetjen e saj, ndaj uniformës blu. E kam humbur besimin te drejtësia shqiptare, sepse 10 vite nuk kam asnjë pikë në gjetjen e Bleonës ndaj uniformës blu."
Ndër të tjera, Bukurie Mata hodhi dyshime të forta mbi përfshirjen e ish-bashkëshortit të saj në zhdukjen e Bleonës, pasi sipas saj ai nuk mk po e kërkon të bijën.
Ajo thekson:
Jo, nuk kemi asnjë lidhje, jemi ndarë me gjykatë. Ai si prind asnjëherë nuk e kërkon fëmijën, unë nuk e di çfarë prindi është ai. Çfarë babai është, çfarë i pamëshirë është, edhe këtu mund të hedhim dyshime se mund të dijë diçka dhe ai, bashkë me motrën e vet. Po na bën të dyshojmë, se 10 vite nuk bën asnjë thirrje për gjetjen e Bleonës. Vjehrri jonë e bën ndonjë thirrje shumë të rrallë."
