Doktori i Shkencave Gjeologjike, Avni Meshi ka folur në lidhje me tërmetin e fuqishëm me magnitudë 6.4 që 'shkundi' fort vendin dhe la 51 viktima.
Ai tha për 'News 24' se tërmeti çliroi energjinë e akumuluar dhe nuk beson se do të ketë tjetër lëkundje të fuqishme në vend.
Më tutje, Meshi shtoi se pritet të vendoset një ekuilibër i ri dhe normalisht që ka pas-lëkundje.
Doktor Meshi tha se:
Tërmeti i 26 nëntorit ishte më i fortë sesa mesatar. Tërmeti kishte energji të akumuluar. Pas çlirimit të energjisë, pritet edhe rregullimi i situatës. Por kjo nuk përjashton mundësinë që të ketë edhe lëkundje më të fuqishme. Tërmeti është një “stres” që shkarkohet. Pritet të vendoset një ekuilibër i ri dhe normalisht që ka pas-lëkundje. Kur them tërmet i madh mund të ndodhë edhe pas 20 vitesh a më shumë, unë flas me kohë gjeologjike. Mund të thuhet, sepse siç dihet tërmeti nuk parashikohet, Por, nuk besoj se ka tërmet të fuqishëm prapë. Paslëkundjet ndodhin për të vendosur ekuilibrin.
Më tutje, ai iu referua edhe zonave më të prekura dhe të rrezikuara nga tërmetit, ku përfshiu edhe kryeqytetin.
Pastaj, ai shtoi se:
Në tërmet, nuk është mirë që të lëvizësh. Mirë është që të jesh i qetë dhe menjëherë të shkosh poshtë tavolinës, mënyra më e mirë për t’u shmangur. Ajo që na mbetet është të ruajmë qetësinë. Lëvizja horizontale është shumë e rrezikshme. Aksi i rrezikshëm është Vlorë- Elbasan – Dibër. Edhe tërmeti i Dibrës ka qenë i fuqishëm. Tjetër shkëputje është edhe ajo që kalon në Dhërmi për në Greqi. Tirana, jemi shumë afër, sepse Durrësi është pranë kryeqytetit. Sa më i thellë, aq më afër Tiranës do jetë. Zona më e rrezikshme aktualisht është edhe kjo ku jemi ne. Ne jemi një mikro-pllakë dhe është hartë e rrezikshme. Dje a pardje ndodhi një tërmet në Vlorë, sepse është zona e rrezikshme nga pikëpamja sizmike. Por, se kur mund të ndodhë tërmeti, këtë askush nuk e di, askush nuk e di se kur mund të ndodhë.