Kryeministri Edi Rama tha ditën e sotme nga foltorja e Kuvendit se nuk ka nevojë për ndihma nga bota dhe se do të rindërtojë vendin pas tërmetit të rënë, edhe sikur askush të mos i japë “një dorë ndihmë”.
Sipas tij, çdo gjë do të programohet dhe do të riorganizohet, pasi kjo qeveri është “shumë e zonja”.
Ai u shpreh pikërisht kështu:
Kam dëgjuar përveç klithmave për kapele dhe çizme, që janë jehonë e konstatimeve të përcipta të përcjella nga ekranet dhe nga portalet, e vitrinat, që shteti paska mbetur pa lekë dhe nuk paska kapacitet të përballojë këtë situatë dhe po i shtrijmë dorën botës.
Ne do ta programojmë të gjithë procesin sikur të mos marrim asnjë lek nga bota dhe do ta bëjmë atë shumë mirë, sepse ne jemi më të zotë se ju dhe se ata që ju kanë hapur vendin këtu."
Ndërkohë, në mediat e huaja, ministrja Olta Xhaçka është shprehur tërësisht ndryshe dhe në kundërshtim me fjalët e kreut të qeverisë. Sipas saj, dëmet janë shumë të mëdha, ndaj Shqipëria ka thirrur ekspertët ndërkombëtarë për të dhënë ndihmesën e tyre financiare dhe në ekspertizë.
Ajo ka thënë për Federal News Network:
Prokurorët kanë nisur hetimet në lidhje me ndërtimet e mundshme ilegale apo thyerjen e rregullave në ndërtim. Ndërtimet e dobëta, thyerja e kodit të ndërtimit të banesave dhe korrupsioni dyshohet të jenë shkaktarët më të mëdhej të dëmeve të këtij tërmeti. Qeveria shqiptare i ka bërë thirrje komunitetit ndërkombëtar për ndihmë financiare dhe asistencë me ekspertë, duke bërë të ditur se nuk i ka aftësitë për të bërë gjithçka vetëm.
Pjesa më e madhe e kësaj situate nis tani, pasi dëmet materiale janë shumë të mëdha”.
Se kush është duke gënjyer, ec e merre vesh, por le të shrpesojmë se ministrja Xhaçka nuk e ka këtë fjali të sajën një provokim dhe “përhapje paniku” ndaj qeverisë Rama.