Kaq ishte seria pozitive e Jose Mourinhos në stolin e Tottenhamit. Trajneri portugez ka provuar sonte humbjen e parë si trajner i Hotspur, duke u mposhtur 2-1 në ‘Old Trafford’ nga ish-ekipi i tij, Manchester United.
Në një ndeshje spektakolare, ishte fillimisht Marcus Rashford , i cili në minutën e 6’ me një gol të bukur, i dha epërsinë 1-0 ‘Djajve të Kuq’.
Mirpo, miqtë nuk u dorëzuan dhe bë minutën e 39’, Dele Alli barazoi rezultatin për Tottenham Hotspur, për ta mbyllur në barazim 1-1 pjesën e parë.
Heroi i Manchester United ishte përsëri Marcus Rashford, që me të filluar pjesa e dytë, shënoi edhe njëherë tjetër, kësaj here nga penalltia, për 2-1 duke vulosur edhe përfundimisht takimin me këto shifra.
Me këtë fitore, Manchester United numëron 21 pikë dhe renditet në vendin e gjashtë të klasifikimit, ndërsa Tottenham me 20 pikë mban vendin e tetë në kampionat.