Prej disa vitesh, Milani është zhytur në një krizë të thellë dhe po humbet gradualisht lavdinë që e ka karakterizuar historikisht si klub futbolli.
Tifozët shpresojnë tek ringritja, por natyrisht do duhej një investim i çmendur dhe ndryshime rrënjësore në ekip.
Dy nga njerëzit që mund të niste cikli i ri i kuqezinjve, janë lojtari më i miurë në botë aktualisht, Lionel Messi dhe një nga trajnerët gjithashtu më të mirë në botë, Pep Guardiola.
Në teori mund të realizohet, ndërsa në praktikë duket shumë larg.
Megjithatë, mediat italiane e besojnë si variant dhe japin sot një lajm të bujshëm. La Repubblica”, shkruan se Milani është shumë afër ndryshimit të pronësisë.
Klubi kuqezi pritet të kalojë në pronësinë e Bernard Arnault, i cili zotëron markën e rrobave “Louis Vuitton”. Sipas gazetës ka pasur bisedime së fundmi, mes Arnaultit dhe Fondit Eliot.
Thuhet se ndryshe nga disa kohë më parë kur amerikanët nuk e mendonin shitjen e klubit, tani situata ka ndryshuar dhe ata mund ta pranojnë ofertën e Arnaultit, i cili zotëron një pasuri prej 76 miliardë dollarësh.
Në rast se ky i fundit do të merrte në pronësinë e tij Milani, i ka synimet e qarta për t’i besuar drejtimin e skuadrës Guardiolës dhe afrimin e Messit, i cili është lojtari më i mirë në botë.
Ëndrrat falas janë, kështu që tifozët e Milanit janë të lirë të vazhdojnë...