Fatkeqësia e madhe natyrore që goditi Shqipërinë, ku një tërmet katastrofik shkaktoi 50 jetë të humbura, mbi 650 persona të plagosur dhe mijëra ndërtesa, pallate dhe shtëpi të dëmtuara por edhe të rrënuara terësisht, tregoi shpirtin e madh të popullit shqiptar, që ndodhet i shpërndarë në disa shtete.
Shqiptarët e Kosovës, por edhe ata të Maqedonisë e Diasporës, u solidarizuan me shqiptarët e Shqipërisë të prekur nga tërmeti, duke sjellë ndihma ushqimore dhe dhuruar donacione financiare.
Pjesë e këtij solidarizimi që kapërceu çdo kufi ishin edhe biznese dhe kompani të shumta, që dhuruan donacione dhe ndihma për qytetarët e prekur dhe dëmtuar nga lëkundjet e fuqishme.
Edhe kompania e njohur e transportit detar në Shqipëri, Ventouris Ferries, ka kontribuar për qytetarët e prekur nga tërmeti, të cilët ndodhen të strehuar në shkollën 9-vjeçare "Marie Kaçulini" në Durrës.
Në një postim në rrjetet sociale, shihet ekuipazhi i Ventouris Ferries që përgatit dhe shërben vaktet e drekës për 100 qytetarë që ndodhen në ambientet e këtij institucioni arsimor.
Postimi i plotë: