Dybala “thumbon” Ronaldon: Jemi të gjithë ushtarë të Sarrit, mjaft me pakënaqësira

Paulo Dybala është momentalisht lojtari më në formë i Juventusit. Goli i tij fantastik i dha fitoren italianëve edhe në ndeshjen e Championsit kundër Atletiko Madridit.

Sulmuesi argjentinas është rikthyer të flasë sërish për emocionet e mbrëmjes së të martës, por mbi të gjitha nënvizon se pas rebelimit të Kristiano Ronaldos në ndeshjen kundër Milanit, tani e tutje nuk do të ketë më skena të tilla në skuadër.

Dybala tha:

Ne jemi të gjithë këtu për të ndihmuar Juventusin që të arrijë objektivat, sepse objektivat e klubit janë edhe tanët. Kemi një trajner që punon për të mirën e skuadrës dhe ne jemi jo vetëm “ushtarë” të Juves, por edhe ushtarë të Sarrit. Thjesht duhet të jemi të gjithë gati, kur të na kërkohet që të zbresim në fushë. Nga sot e tutje nuk ka më pakënaqësi, ka vetëm mirëkuptim dhe gatishmëri.