Ibrahimovic do të rikthehet të luajë në Europë dhe me shumë mundësi, ekipi i tij i ri do të jetë Milani. megjithatë, te klubi italian mund të jenë trembur mëngjesin e sotëm, pasi kanë parë një video të publikuar nga suadezi.
Aty duket sulmuesi, i cili nxjerr një fanellë, që përkon me klubin e Hamarbit, në Suedi.
Gjithsesi, ky nuk do jetë ekipi i ri i Zlatanit, pasi në të vërtetë ky ka qenë thjesht një lajmërim i tij për investimin e ri që do të bëjë në jetë.
Siç mësohet, ndonëse ende pa një konfirmim zyrtar, Ibrahimoviç pritet që të hyjë në klubin suedez si një sponsor, por edhe si një aksionar, duke investuar një pjesë të pasurisë së tij në këtë klub, por në të njëjtën kohë me një perspektivë si drejtues skuadre në të ardhmen e afërt.
Madje, nënvizojnë se pronari i klubit suedez të Hamarbit është i njëjti me atë të Los Anxheles Galaksi, ku futbollisti luante deri pak ditë më parë.
Prandaj, tifozët e Milanit, mund të vazhdojnë të shpresojnë që të shohin gjigantin 38-vjeçar të luajë për ngjyrat e skuadrës së tyre, duke nisur nga muaji janar.