Shqipëria është goditur orët e para të mëngjesit të sotëm nga disa tërmete të fuqishëm, të cilët kanë sjellë pasoja të renda.
Disa persona kanë vdekur, ndërsa qindra të tjerë janë plagosur, por ka ende shumë të tjerë të mbetur nën rrënoja dhe që nuk dihet si do u shkojë fati.
Të gjithë kanë shkuar në ndihmë të tyre, madje edhe njerëz të thjeshtë.
Njëri prej tyre është edhe arbitri i njohur i Superiores, Laver Alla. Ky i fundit ka lënë uniformën e arbitrit dhe bilbilin, për të shpëtuar njerëzit dhe për t’i ardhur në ndihmë banorëve.
Alla ka qenë për të dhënë kontributin e tij në hotelin e shembur “Mira Mare”.