Mario Balotelli e ka nisur mjaft keq avanturën e tij te Brescia në Serinë A dhe nuk është aspak i lumtur, pasi skuadra është zhytur në fundin e tabelës.
Gjithçka po shkon shumë keq deri tani dhe sulmuesi italian është gati të largohet nga skuadra që në merkaton e janarit.
Sikur mos mjaftonin paraqitjet e tij të dobëta, si nga ana e tij, ashtu edhe nga skuadra, Balotelli është bërë shpesh edhe "viktimë" e racizmit dhe kjo e ka inatosur akoma më shumë.
Kështu, kjo situatë ka bërë që te Brescia të nisin e të dëgjohen oferta të reja për Balotelin. Së fundmi “Gazzeta Dello Sport”, bën me dije se Galatasaraj ka shfaqur interes për sulmuesin e shumëshëtitur.
Klubi turk ka bërë shumë afrime në verë, por deri tani nuk po japin atë që pritet dhe duan të përforcohen sërish në janar. Mbetet tashmë të shihet nëse presidenti i Breshas, Celino, është gati të lejojë këtë transferim.
