Milani po kalon një moment të vështirë në Serinë A dhe kriza duket se është ulur këmbëkryq te skuadra kueqzi e drejtuar nga Stefano Pioli.
Drejtuesit po presin merkaton e janarit për të ndërhyrë menjëherë në ekip. Dy dëshirat kryesore janë Granit Xhaka dhe Zlatan Ibrahimoviç.
27- vjeçari me origjinë shqiptare mund të luajë në çdo rol të mesit të fushës, por me Benaserin në regji, Xhaka do të ishte një nga dy kolegët në krahët e algjerianit.
Pavarësisht rreshtimit, te Milani do të kishte gjithnjë vend për dikë me karakteristikat dhe përvojën e mesfushorit të Arsenalit.
Nga ana tjetër, cilësitë e Ibrës dihen dhe normalisht ambientimi i tij te Milani do ishte mjaft i thjeshtë, pasi ai ka luajtur edhe më parë me kuqezinjtë.