Mungesa e kapakëve të pusetave është shndërruar në një problem serioz për banorët e qytetit të Fierit.
Një qytetar ka denoncuar në redaksinë e JOQ Albania një incident të ndodhur në qendër të Fierit, ku një i moshuar ka rënë në një pusetë pa kapak.
Siç shihet dhe në videon e dërguar nga denoncuesi, i moshuari ka përfunduar pa ndjenja pas rrëzimit.
Qytetari thekson se janë me dhjetëra rastet si ai i djeshmi, që kanë ndodhur gjatë ditëve të fundit. Sipas tij, çdo ditë rrëzohern qytetarë në këto puseta.
Dhe ajo që vlen të theksohet është se puseta ndodhet vetëm pak metra larg Bashkisë së Fierit.
A është kjo "Rilindja Urbane e qyteteve" e propaganduar dhe trumpetuar pafundësisht nga kryeministri Rama, në rrjete sociale e çdo takim që ka patur? A duhet që ndonjë qytetar të humbasë jetën në këto puseta që Bashkia e Fierit, apo bashkitë e tjera të ndërhyjnë për këtë problem tepër shqetësues për qytetarët?
Denoncimi i qytetarit: