Kushte skandaloze në Senatoriumin e Shkodrës, qytetari ia përplas në fytyrë shëndetësinë Manastirliut

Shëndetësia vijon të mbetet një ndër sektorët më problematikë në Shqipëri.

Përkundër propagandës së ministres së Shëndetësisë, Ogerta Manastirliu dhe shefit të ekzekutivit, Edi Rama, të cilët paturpësisht e krahasojnë standardet e spitaleve publike në Shqipëri me ato europiane, realiteti dëshmon të kundërtën.

Ka qenë një qytetar i cili ka denoncuar në redaksinë e JOQ Albania kushtet e rënda në të cilat ndodhet Senatoriumi i Shkodrës.

Siç shihet dhe në videon e dërguar nga qytetari, mungesa e higjenës në këtë institucion ja bën "mu", ku në çdo dhomë shihet rrëmujë totale; dyshekë të hedhur në çimento, krevate të kthyer përmbys, farzoleta dhe fasho dhe pambukë të shpërndarë kudo.

Dhe natyrshëm, çdo kush mund të pyesë me të drejtë: Si mund të trajtohen të sëmurët në këtë këtë senatorium, kur ambientet janë shndërruar në një burim infeksioni dhe nuk ka as kushtet më minimale?

Kësaj pyetje duhet t'i përgjigjet vetë ministrja përkatëse, e cila lart e poshtë trumpeton me të madhe arritjet imagjinare në Shëndetësi.

Por ky nuk është rasti i vetëm kur një gjë e tillë është denoncuar.

Dy vite më parë, në 2017, një media ka shkuar në ambientet e Senatoriumit të Shkodrës dhe kushtet kanë qenë të njëjtat.

Ndonëse rasti është bërë publik në media edhe 2 vite më parë, përsëri asnjë masë nuk është ndërmarrë nga Ministria e Shëndetësisë.

Asokohe qytetarët deklaronin:

Kushtet janë shumë të këqija, sikur para dhjetë vitesh as ka kurrgja, s’ka banjo, s’ka lavamana,s’ka pasterti,s’ka kurrisen. Kushtet janë shum”ë të vështira, tmerrësisht shumë të vështira. Mjekësia në Shkodër, edhe në Tiranë është krejt përtokë.”

Senatoriumi i Shkodrës, i cili funksionon në këto kushte prej 20 vitesh, nuk ka as kushtet më minimale për të sëmurët.

Kjo gjë është pranuar edhe nga vetë mjekët e këtij spitali. Një prej tyre, Nadire Suma, u shpreh:

Në sanatorium nuk ka kushte për të sëmurët. Ka mbi 15 vite që nuk bëhet asnjë riparim, ska ujë të ngrohtë, suvatimet po bien. Sa e veshtire eshte t’i thuash te semurit që nuk ka as kushtet minimale për të qëndruar të shtruar. Këto kushte të turpshme nuk duhet të jenë më problem në kohët e sotme.”