Raportohet se ditën e sotme është liruar nga paraburgimi ish-kryeprokurorja speciale, Katica Janeva.
Ky lajm qarkulloi me shpejtësi te mediat shqiptare në Maqedoninë e Veriut.
Janeva u arrestua, pasi akuzohej për korrupsion në rastin 'Reket'.
Sipas hetimeve të bëra, ekzistojnë dyshime të bazuara për keqpërdorim të detyrës nga ish-kryeprokurorja Janeva, në rastin e zhvatjes nga afaristi, Orce Kamev, të 1.5 milion euro nga dy të arrestuarit e tjerë në këtë rast, Bojan Jovanovski dhe Zoran Milevski.
Në një video-incizim të publikuar nga një gazetë italiane, vërehet se si Bojan Jovanovski merrte paratë nga afaristi, kurse në një moment në bisedë dëgjohet edhe zëri i Janevës e cila i premton afaristit se gjithçka do të jetë në rregull me gjykimin e tij.
Janeva u arrestua me bujë 3 muaj më parë, ndërsa u dërgua në paraburgim me automjete të shumta të policisë.
Tashmë mbi të rëndon akuza 'Arrest shtëpie'.