Vlora është tronditur pasi një 14-vjeçare i ka dhënë fund jetës duke pirë një grusht me ilaçe.
Ditën e djeshme, ajo u përcoll për në banesën e fundit dhe bëhet me dije se e mitura ishte nxënëse në klasën e nëntë.
Ngjarja e rëndë kaloi në heshtje për qytetin e Vlorës, i cili duket se ka humbur interesin dhe ndjeshmërinë për gjithçka që ndodh në qytet, të mirë apo të keqe.
Jo vetëm ky rast, por edhe shumë të tjerë janë shtuar në vend.
Stafet arsimore interesohen vetëm për nota, cilësi e kalueshmëri sepse ju duhen për statistika.
Prindërit dhe familjet interesohen vetëm për t’u siguruar ushqimin fëmijëve, sigurimi i të cilit vështirësohet nga dita në ditë.
Familja ka mbetur e vetme në këto kohë të vështira që po jetojmë, e rrethuar nga vështirësi e presione të shumta.
Gjithçka tjetër është jashtë kontrollit për një moshë kaq delikate sa janë 12-15 vjeçarët.