Janë gjetur dy shuma parash nga miliona eurot që u grabitën në muajin Prill në Rinas.
Mësohet se rreth 5 mijë euro janë gjetur në banesën Elton Piklit, ndërsa po ashtu një pjesë tjetër parash i janë gjetur të atit të Renaldo Sulës.
Burime bëjnë me dije se dy shumat e parave që janë gjetur i përkasin një prej bankave të nivelit të dytë.
Ndërkohë Gjykataka pranuar kërkesën e bërë nga prokuroria për të marrë kampionet e AND-së së dy prej të arrestuarve të grabitjes, Oltian Veseli dhe Elton Pikli, pasi një prej tyre kishte refuzuar që ta jepte kampionin e AND-së.
Për grabitjen e ndodhur në 9 Prill në Rinas, ku u morën rreth 6 milionë euro, dhe ku mbeti i vrarë Admir Murataj, një prej autorëve , mbahen të arrestuar derimë tani 6 persona: Oltion Veseli, Alkond Bengasi, Renaldo Sula, Elton Pikli, Saimir Cela dhe shtetasi nga Kosova, Ragip Hajdini.
