Presidenti i Republikës Ilir Meta, i ftuar në një studio televizive ka folur mbrëmjen e sotme me tone të ashpra ndaj disa ambasadorëve që shërbejnë në vendin tonë.
Sipas Metës, i cili është duke bërë shumë zhurmë ditët e fundit, ata jo vetëm janë bërë palë me qeverinë, por janë justifikim për dështimet e kryeministrit Edi Rama.
Ky reagim ka ardhur pas shpalljes non-grata nga ana e Presidentit për ambasadorin e OSBE Bernd Borschardt. Lidhur me këtë ai shprehet se ky akt u ndërmorr për ti treguar kufirin këtyre diplomatëve.
Ai i ka quajtur disa diplomatë lecka të Edi Ramës të cilët i përdor sa herë ka nevojë, ndërsa theksoi se nuk ka nevojë për mbështetjen e tyre.
Meta u shpreh:
Nuk është në të drejtën e një ambasadori të vërë në dyshim dekretin e Presidentit për zgjedhjet. Ka qenë shumë i lartë edhe raporti i OSBE/ODIHR që dekreti i Presidentit mund të shqyrtohet vetëm nga Gjykata Kushtetuese. Pa dyshim ndaj personit jo ndaj OSBE-së. Qëndrimet e tij janë krejt të ndryshme nga raporti i OSBE/ODIHR që as nuk u publikua këtu nga zyra e OSBE-së derisa e përmendi kryetari i opozitës. Mendoj se ka disa diplomatë që e kanë tepruar si shumë.
Janë bërë si lecka të Edi Ramës. këta janë justifikim për çdo shkelje të Kushtetutës dhe ligjit. Ai nxjerr këta dhe përdor këta për të kapur të gjitha institucionet, për të kapur sistemin e drejtësisë. Ne zbuluam kush është “Katica” jonë dhe “Katica” jonë është Dvorani. Ka patur një lobim të fortë për t’i dhënë gjithë drejtësinë Edi Ramës. Pavarësisht se BE dhe SHBA-në kanë dhënë shumë para për çështje të tjera por këta kanë bërë çdo gjë për t’ia dhënë Edi Ramës. Këta kanë lobuar që t’ia jepnin me Kushtetutë Edi Ramës. Do jem i qartë për çdo vagabond diplomat që justifikon shkeljet e Kushtetutës dhe të ligjit.”