Tre persona kanë mbetur të vdekur nga një sulm në një qendër tregtare në qytetin Duncan në Oklahoma të SHBA-së.
Mediat amerikane, referuar të dhënave zyrtare nga policia, bëjnë me dije se një person i paidentifikuar ka qëlluar me armë zjarri dhe si pasojë e të shtënave kanë humbur jetën tre persona, këtë të hënë.
Sipas autoriteteve, viktimat janë një femër dhe dy meshkuj, ndërsa arma e përdorur në krim u gjet në vendin e ngjarjes.
Ende nuk dihet nëse autori kishte lidhje ose njohje me viktimat, dhe arsyeja e sulmit.
Si pasojë e këtij sulmi, u vendos që shkollat përreth të mbylleshin për disa orë.
Një burim në vendngjarje tha për policinë se personi i armatosur qëlloi veten pasi ekzekutoi dy viktimat.
Ky informacion ende nuk është konfirmuar zyrtarisht nga policia, ndërsa kanë nisur hetimet për zbardhjen e plotë të rrethanave të ngjarjes.
Sjellim në kujtesë se pak muaj më parë, një tjetër sulm në një qendër tregtare në qytetin El Paso, Teksas tronditi SHBA-në, ku një person i armatosur hapi zjarr duke shkaktuar vdekjen e 22 personave.
Burimi: USA Today|Përktheu dhe Përshtati: JOQ Albania
