Leshaj nisi Ina Nukën në stadium me biletën e tij, gazetari nxjerr se si shkeli rregullat ‘me këmbë’ ministri

Ministri i Brendshëm Sandër Lleshaj ditën e djeshme me anë të një postimi në rrjetet sociale tregoi se biletën e tij në stadium për ndeshjen Shqipëri-Francë, ia kishte dhënë polices Ina Nuka.

Në postimin e tij Lleshaj shkruante:

Preferova të dërgoj Ina Nukën në vendin tim në stadium, si shenjë respekti për sakrificën e kësaj punonjëse të PSH bashkë me urimet më të mira për gjithë sportdashësit shqiptarë…‘‘

Por biletat për ndeshjen që u luajt mbrëmjen e djeshme në “Air Albania Stadium” ishin të personalizuara. Këtë detaj ministrit Lleshaj ia ka kujtuar gazetari Armend Pire. Gazetari ka komentuar në postimin e bërë nga ministri dhe i ka thënë atij se ka shkelur rregullat.

Ai ka komentuar kështu:

Rregullat që i shkruani vetë, shkelen po nga ju, ndërkohë që tifozët mezi u lejuan të hyjnë vetëm se kishin një palë çelsa shtëpie me vete.‘‘

Po ashtu ai i ka sugjeruar Lleshajt se do të ishte mirë që biletën që i dhuroi oficeres së policisë, t’ia kishte blerë në emrin e saj.