Të tjera detaje kanë dalë në dritë në lidhje me atentatin e bërë ndaj prokurorit Arjan Ndoja, ku vetë ai ngeli i plagosur bashkë me një person të njohur si “Rrumi” si dhe ndërroi jetë shoferi i prokurorit.
Deri më tani, në lidhje me këtë atentat është vënë në pranga Redjan Rraja, nipi i ish-deputeti Rahman Rraja. Ai akuzohet si një prej atetnatorëve ndaj prokurorit Ndoja. Vetë Rraja nuk e ka pranuar asnjëherë implikimin në ngjarje.
Kanë qenë gjurmët e gishtave kanë tradhtuar të parin Redjan Rrajën por kontrollet në fshatin e tij Nikël nuk kanë munguar edhe në banesa të tjera sikundër në shtëpinë e Durim Bamit apo edhe te familja Haka.
E ndërsa Rrajën e gjetën në shtëpi nën efektin e kokainës tregon një burim policor, kontrollet ishin të pashmangshme në Nikël, pasi aty banojnë protagonistë të njohur të krimit. Por, në realitet nga krehjet në Nikël, policia përherë ka dalë duarzbrazur, edhe pse ndonjëherë ka gjetur jo armë po shkopinj bejsbolli, që siç e kanë përshkruar të zotët e shtëpisë “përdoren për lojë”.
Pasi kryen atentatin në Durrës, autorët me një makinë tip “Benz” të vjedhur në Lezhë dhe me targat e grabitura në Tiranë, kanë udhëtuar drejt zonës së Shkafanës. Mjeti u la nga vrasësit në afërsi të varrezave të Shkafanës. Në këtë vend, rruga që të dërgon drejt Gjirit të Lalëzit është në të dy krahët me varreza. Por në krahun e djathi.
të gjendet një xhep i tillë ku njerëzit parkojnë makinat, ashtu siç vepruan edhe vrasësit.
Deri më tani, nuk ka dëshmitarë që të kenë parë momentin e braktisjes apo djegies së “Benzit” me të cilin u krye atentat.